പാലക്കാട് : നവകേരളം സൃഷ്‌ടിക്കാൻ സമ്പദ്ഘടനയുടെ സാങ്കേതിക അടിത്തറ മാറ്റണമെന്ന് സി.പി.എം കേന്ദ്രകമ്മിറ്റി അംഗവും മുന്‍ ധനമന്ത്രിയുമായി ഡോ.ടി എം.തോമസ് ഐസക്ക്. അഭ്യസ്‌ത വിദ്യരുടെയും സ്ത്രീകളുടെയും തൊഴിലില്ലായ്‌മ പ്രശ്‌നം പരിഹരിക്കുകയും ചെയ്യണം. പി കുഞ്ഞിരാമൻ മാസ്റ്റർ പഠനകേന്ദ്രം സംഘടിപ്പിച്ച നവകേരള വികസന സദസ് ഉദ്‌ഘാടനം ചെയ്യവേയാണ് തോമസ് ഐസക്കിന്‍റെ അഭിപ്രായ പ്രകടനം.
രാജ്യത്ത് മറ്റ് സംസ്ഥാനങ്ങളെ അപേക്ഷിച്ച് എല്ലാ രംഗത്തും കേരളം മുന്നിലാണ്. നവ കേരളം സൃഷ്‌ടിക്കാൻ പുതിയ പ്രശ്‌നങ്ങൾ മറികടക്കേണ്ടതുണ്ട്. കൃഷി മുതൽ എല്ലാ മേഖലയിലും സാങ്കേതിക അടിത്തറ മെച്ചപ്പെടണം.