പാലക്കാട്:നിരവധി മോഷണ കേസിലെ പ്രതിയും പിടികിട്ടാപ്പുള്ളിയുമായ ചെമ്പലോട് മോഹനൻ (55) അറസ്റ്റിൽ. നോർത്ത് പൊലീസാണ് ഇയാളെ അറസ്റ്റ് ചെയ്‌തത്. കുറച്ച് മാസങ്ങളായി പാലക്കാട് നഗരത്തിൽ രാത്രി കാലങ്ങളിൽ മോഷണം പതിവായിരുന്നു.
ഇതിനെ തുടർന്ന് രൂപീകരിച്ച പ്രത്യേക അന്വേഷണസംഘമാണ് മോഷണങ്ങൾക്ക് പിന്നിൽ ചെമ്പലോട് മോഹനനാണെന്ന് കണ്ടെത്തിയത്. രാത്രി വീടുകളിൽ നഗ്നനായി എത്തിമോഷണം നടത്തുന്നതാണ് ഇയാളുടെ രീതി. പണവും വസ്ത്രങ്ങളും ഇയാൾ മോഷ്‌ടിക്കും.
ജില്ലയിലെ വിവിധ സ്റ്റേഷനുകളിൽ നിരവധി കേസുകളാണ് ഇയാൾക്കെതിരെയുള്ളത്. ജയിൽ ശിക്ഷയും അനുഭവിച്ചിട്ടുണ്ട്. പിടിക്കപ്പെടാതിരിക്കാൻ ഇയാൾ ശരീരത്തിൽ എണ്ണ തേച്ചാണ് മോഷണത്തിനെത്തുക.
പാലക്കാട് നോർത്ത് പൊലീസ് സ്റ്റേഷൻ ഇൻസ്പെക്‌ടർ ആർ സുജിത് കുമാർ, എസ്ഐമാരായ കെ സുനിൽ, കെ വേണുഗോപാൽ, എഎസ്‍ഐമാരായ കെ സുനിൽകുമാർ, കെ താരീഖ്, പി എച്ച് നൗഷാദ്, ആർ രഘു എന്നിവരടങ്ങുന്ന സംഘമാണ് പ്രതിയെ പിടികൂടിയത്.
Also read:അടിവസ്ത്രങ്ങള്‍ കവരുന്നത് തുടര്‍ക്കഥ, ക്യാമറയില്‍ കുടുങ്ങിയിട്ടും കള്ളനെ കിട്ടിയില്ല, പൊറുതിമുട്ടി വനിത ഹോസ്‌റ്റലിലെ താമസക്കാര്‍
