പാലക്കാട്:തിരുവോണത്തിന് മൂന്ന് ദിവസം മാത്രം ശേഷിക്കേ രാപ്പകലില്ലാതെ ജോലിയിലാണ് പാലക്കാട്ടെ ഉപ്പേരി നിർമാണ സംഘങ്ങൾ. കേരളത്തിലെ എല്ലാ ജില്ലകളിലേക്കും ഇവിടെ നിന്നുള്ള ഉപ്പേരി വിൽപനയ്ക്കായി എത്തിക്കാറുണ്ട്. അൻപതോളം യൂണിറ്റുകളിലായി അഞ്ഞൂറിലധികം തൊഴിലാളികളാണ് പാലക്കാട് മാർക്കറ്റിനോട് ചേർന്ന് മാത്രം പ്രവർത്തിക്കുന്നത്. ഓണമായതോടെ വിവിധ സംസ്ഥാനങ്ങളിലേക്കും വിദേശ മാർക്കറ്റുകളിലേക്കും ഉപ്പേരി കയറ്റിയയ്ക്കുന്നു. വയനാട്, തമിഴ്‌നാട് എന്നിവിടങ്ങളിൽ നിന്നുമുള്ള നേന്ത്രക്കുലകളാണ് ഇവിടെ ഉപ്പേരി നിർമ്മാണത്തിനുപയോഗിക്കുന്നത്.
ഓണസദ്യക്കൊരുങ്ങി 'കായ വറുത്തത്'