പാലക്കാട്: പട്ടാമ്പിയിൽ പഞ്ചായത്ത് മെമ്പർക്കും മകനും നേരെ സാമൂഹ്യ വിരുദ്ധരുടെ അതിക്രമം. മുതുതല ഗ്രാമപഞ്ചായത്ത് എട്ടാം വാർഡ് മെമ്പർ സിജയ്ക്കും മകൻ അക്ഷയ്ക്കുമാണ് മർദനമേറ്റത്. ശനിയാഴ്ചയാണ് സംഭവം. മലപ്പുറത്ത് നിന്നും പരീക്ഷ കഴിഞ്ഞ് വരുന്ന വഴി പള്ളിപ്പുറം പാലത്തറയിലുള്ള പമ്പിൽ പെട്രോൾ അടിക്കാൻ കയറിയ അക്ഷയെയും സുഹൃത്തുക്കളെയും ഒരു കൂട്ടം ആളുകൾ ചേർന്ന് ആക്രമിക്കുകയായിരുന്നു. ബൈക്കിലെത്തിയ ഏഴ് പേർ ചേർന്നാണ് ആക്രമണം നടത്തിയത്. അതിലൊരാൾ കത്തി വീശി ഭീഷണിപ്പെടുത്തിയതായും അക്ഷയ് പറഞ്ഞു.
പട്ടാമ്പിയിൽ പഞ്ചായത്ത് മെമ്പർക്കും മകനും നേരെ സാമൂഹ്യ വിരുദ്ധരുടെ മർദനം