മലപ്പുറം : അവശനിലയിലായിരുന്ന യുവാവ് മരിച്ചത് മദ്യത്തിന് പകരം സാനിറ്റൈസർ കഴിച്ചതുകൊണ്ടായിരിക്കാമെന്ന് സംശയം. ചാലിയാർ രാമത്തുപറമ്പിൽ സുനിൽ(41) ആണ് മരിച്ചത്.
രണ്ട് ദിവസമായി ഇയാള്‍ വെള്ളിമുറ്റത്തെ ഭാര്യവീട്ടിലായിരുന്നു. തീർത്തും അവശനിലയിൽ അകമ്പാടത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
Also Read: കേസില്‍ പെടുത്തും, ജീവന് ഭീഷണി: സംരക്ഷണം വേണമെന്ന് മുട്ടില്‍ മരം മുറി കേസിലെ അന്വേഷണ ഉദ്യോഗസ്ഥൻ
ആശുപത്രിയിൽ എത്തുമ്പോൾ തന്നെ സുനിൽ അബോധാവസ്ഥയിലായിരുന്നു. മദ്യപനായ ഇയാൾ മദ്യമാണെന്ന് കരുതി സാനിറ്റൈസർ കഴിച്ചതാകാമെന്ന് കരുതുന്നു.
മുൻപും ഇയാൾ സാനിറ്റൈസർ കഴിച്ചിട്ടുണ്ടെന്ന് ബന്ധുക്കൾ പറയുന്നു. മൃതദേഹം നിലമ്പൂർ ജില്ല ആശുപത്രിയിലേക്ക് മാറ്റി. പോത്തുകൽ പൊലീസ് ഇൻക്വസ്റ്റ് നടത്തും.
