കാട്ടാനക്കൂട്ടം കൃഷി നശിപ്പിച്ചു

നേന്ത്രവാഴകള്‍, തെങ്ങുകള്‍, കവുങ്ങുകള്‍ എന്നിവയെല്ലാം കാട്ടാനക്കൂട്ടം നശിപ്പിച്ചു.

മലപ്പുറം: കാട്ടാനക്കൂട്ടം കൃഷി നശിപ്പിച്ചു. മൈലമ്പാറ തെക്കേമുണ്ട പ്രദേശത്താണ് കാട്ടനകള്‍ വ്യാപകമായി കൃഷി നശിപ്പിച്ചത്. കഴിഞ്ഞ രണ്ട് ദിവസമായി പ്രദേശത്ത് തമ്പടിച്ചിരിക്കുന്ന കാട്ടാനക്കൂട്ടം കര്‍ഷകര്‍ക്ക് ഭീഷണിയായിരിക്കുകയാണ്. നൂറുകണക്കിന് നേന്ത്രവാഴകള്‍, തെങ്ങുകള്‍, കവുങ്ങുകള്‍ എന്നിവയെല്ലാം കാട്ടാനക്കൂട്ടം നശിപ്പിച്ചു. കാക്കോട്ടില്‍ കുഞ്ഞാത്തുമ്മ, കക്കുണ്ടില്‍ കുഞ്ഞു, മുഹമ്മദ്, കെ. സുന്ദരന്‍, തൊണ്ടിയില്‍ അലവി, അടുക്കത്ത് ഖദീജ എന്നിവരുടെ കൃഷിയിടങ്ങളാണ് കാട്ടാനകള്‍ നശിപ്പിച്ചത്. കാട്ടാനകള്‍ രാത്രികാലങ്ങളില്‍ ജനവാസ മേഖലകളിലേക്ക് എത്തുന്നത് യാത്രക്കാര്‍ക്കും ഭീഷണിയാകുകയാണ്.