ലോക തണ്ണീർതട ദിനം ആചരിച്ചു - wetland day
കേരള വനം വന്യജീവി വകുപ്പിന് കീഴിലുള്ള സാമൂഹ്യ വനവല്‍കരണ വിഭാഗത്തിന്‍റെ സഹകരണത്തോടെയായിരുന്നു പരിപാടി
ലോക തണ്ണീർതട ദിനം ആചരിച്ചു
മലപ്പുറം: വാളകുളം കെഎച്ച്എം ഹയർസെക്കന്‍ഡറി സകൂൾ ഫോറസ്ട്രി ക്ലബ് ലോക തണ്ണീർതട ദിനം ആചരിച്ചു. കേരള വനം വന്യജീവി വകുപ്പിന് കീഴിലുള്ള സാമൂഹ്യ വനവല്‍കരണ വിഭാഗത്തിന്‍റെ സഹകരണത്തോടെയായിരുന്നു പരിപാടി. വയലുകൾ, കോൾനിലങ്ങൾ, തോടുകൾ, നീർചാലുകൾ തുടങ്ങിയ തണ്ണീര്‍തടങ്ങൾ വിദ്യാർത്ഥി സംഘം സന്ദർശിക്കുകയും അവയുടെ സംരക്ഷണത്തിനായി ബോധവൽക്കരണ റാലി നടത്തുകയും ചെയ്‌തു. തുടർന്ന് നടന്ന തണ്ണീർതട സംരക്ഷണ സംഗമം സോഷ്യൽ ഫോറസ്ട്രി അസിസ്റ്റന്‍റ് ഫോറസ്റ്റ് കൺസർവേറ്റർ എ.പി. ഇൻതിഹാസ് ഉദ്‌ഘാടനം ചെയ്‌തു. ഫോറസ്ട്രി ക്ലബ് അംഗം മിൻഹ ഷുക്കൂർ തണ്ണീർതട സംരക്ഷണ പ്രതിഞ്ജ ചൊല്ലി കൊടുത്തു.