മലപ്പുറം:ഷൊര്‍ണൂരില്‍ നിന്നും അന്തര്‍ജില്ല മോഷ്‌ടാവിനെ പിടികൂടി മലപ്പുറം വളാഞ്ചേരി പൊലീസ്. മഞ്ചേരി സ്വദേശിയായ അരീക്കാട് കാര്‍ലോസ് എന്ന അനില്‍കുമാറാണ് ഷൊര്‍ണൂരില്‍ നിന്നും പിടിയിലായത്. വളാഞ്ചേരി വൈക്കത്തൂരിലെ വീട്ടില്‍ കഴിഞ്ഞ ദിവസമുണ്ടായ മോഷണക്കേസിലെ പ്രതികൂടിയാണിയാള്‍.
സെപ്റ്റംബര്‍ 10ന് വളാഞ്ചേരി വൈക്കത്തൂരിലെ വീട് കുത്തിത്തുറന്ന് എണ്‍പതിനായിരം രൂപ മോഷണം പോയ കേസിലെ അന്വേഷണത്തിലാണ് മഞ്ചേരി സ്വദേശിയായ അനില്‍കുമാര്‍ പിടിയിലായത്. ഷൊര്‍ണൂരില്‍നിന്നും പിടികൂടി വളാഞ്ചേരിയിലെത്തിച്ച് ചോദ്യം ചെയ്‌തപ്പോൾ പ്രതി കുറ്റം സമ്മതിച്ചു. കഴിഞ്ഞ 30നാണ് ഒറ്റപ്പാലം ജയിലില്‍ നിന്നും മറ്റൊരു കേസില്‍ ശിക്ഷ പൂര്‍ത്തിയായി കാര്‍ലോസ് എന്ന അനില്‍കുമാര്‍ പുറത്തിറങ്ങിയത്.
വളാഞ്ചേരി എസ്എച്ച്ഒയുടെ പ്രതികരണം