മലപ്പുറം:ഓണം സ്പെഷ്യൽ ഡ്രൈവിനോടനുബന്ധിച്ച് മലപ്പുറം എക്സൈസ് സംഘം നടത്തിയ പരിശോധനയിൽ നാല് കിലോ കഞ്ചാവ് പിടികൂടി. കഞ്ചാവ് കടത്തിയ രണ്ട് അന്യസംസ്ഥാന തൊഴിലാളികൾ പിടിയിലായി. ഒഡിഷ സ്വദേശികളായ അജയ് ഗഡബാ, നരഹരി ഗഡബാ എന്നിവരാണ് പിടിയിലായത്.
തിരൂരങ്ങാടി, പെരുവള്ളൂർ, ഉങ്ങുങ്ങൽ ഭാഗങ്ങളിലാണ് എക്സൈസ് സംഘം പരിശോധന നടത്തിയത്. സർക്കിൾ ഇൻസ്‌പെക്ടർ ഖലമുദ്ധീൻ. എസ്, പ്രിവന്‍റീവ് ഓഫീസർ മയിൻകുട്ടി. വി, സിവിൽ എക്സൈസ് ഓഫീസർമാരായ അരവിന്ദൻ, അബ്ദുൽസമദ്, പ്രഭാകരൻ, അലക്സ്, ഡ്രൈവർ സന്തോഷ്‌ കുമാർ എന്നിവർ റെയ്ഡിൽ പങ്കെടുത്തു.