മലപ്പുറം: ബാബര്‍മുക്ക് കോളനിയിലെ കിണര്‍ വെള്ളത്തില്‍ മാലിന്യം കലരുന്നുവെന്ന് പരാതി. റോഡിന് സമീപമുള്ള 30 കിണറുകളിലെ ജലത്തിന് ചുവപ്പ് നിറം വന്നതാണ് സംശയത്തിന് ഇടയാക്കിയത്. കഴിഞ്ഞ ഒരാഴ്‌ചക്കിടെ പ്രദേശത്തെ രണ്ട് യുവതികള്‍ക്കാണ് മഞ്ഞപ്പിത്തം സ്ഥിരീകരിച്ചത്.
പെരുങ്കുളം റോഡിന് അഴുക്ക് ചാലില്ലാത്തതിനാല്‍ ഈ മലിന ജലം കിണറുകളിലേക്കാണ് ഒഴുകിയെത്തുന്നതെന്ന് പ്രദേശ വാസികള്‍ പരാതിപ്പെടുന്നു.
പഞ്ചായത്ത് അധികാരികളെ വിവരം അറിയിച്ചെങ്കിലും ആരും തിരിഞ്ഞു നോക്കിയില്ലെന്ന് നാട്ടുകാർ പരാതി പറയുന്നു. വിവരം ആരോഗ്യ വകുപ്പ് അധികൃതരുടെ ശ്രദ്ധയില്‍പ്പെടുത്തിയിട്ടുണ്ട്. പ്രദേശത്തെ കിണറുകളിലെ വെള്ളം വിദഗ്ദ പരിശോധനയ്ക്ക് അയക്കണമെന്നും നാട്ടുകാര്‍ ആവശ്യപ്പെടുന്നു.
