മലപ്പുറം: ഒട്ടും പരിചിതമല്ലാത്ത ഓണക്കാലമാണ് ഇത്തവണത്തേത്. ഒന്നിച്ചുള്ള ആഘോഷങ്ങളും വിനോദങ്ങളും ഓണസദ്യയും ഈ വർഷമില്ല. കൊവിഡ് മഹാമാരിയായി പടർന്നുകയറിയപ്പോൾ മലയാളിക്ക് നഷ്ടപ്പെട്ടത് വർഷത്തിലൊരിക്കൽ കുടുംബാംഗങ്ങളും സുഹൃത്തുക്കളുമായൊക്കെ ഒത്തുചേർന്ന് വിശേഷങ്ങൾ പങ്കിടുന്ന ഉത്സവകാലം കൂടിയാണ്. ആഘോഷങ്ങൾ പരിമിതമാക്കി കുടുംബത്തോടൊപ്പമുള്ള ഓണചിത്രങ്ങള് സമൂഹമാധ്യമങ്ങളിൽ പങ്കുവെച്ച് ഓരോരുത്തരും ഓണം ആഘോഷിച്ചു. എന്നാൽ, പുത്തൻ കോടിയണിഞ്ഞ് പൂക്കളമൊരുക്കി, വീട്ടുകാർക്കൊപ്പം ഒരുമിച്ചിരുന്ന് സദ്യ കഴിച്ച് സന്തോഷങ്ങളും വിശേഷങ്ങളും പങ്കുവെക്കാനാവാതെയും കുറേപേരുടെ ഓണദിനങ്ങൾ കടന്നുപോയി.
കൊവിഡ് പ്രതിസന്ധിയിൽ ആഘോഷങ്ങളില്ലാതെ ഓണം