മലപ്പുറം: തദ്ദേശ തെരഞ്ഞെടുപ്പ് കേന്ദ്ര സംസ്ഥാന സർക്കാറുകൾക്കുള്ള താക്കീതാകണമെന്ന് മുൻ മുഖ്യമന്ത്രി ഉമ്മൻ ചാണ്ടി. നിലമ്പൂരിൽ യു.ഡി.എഫ് തെരഞ്ഞെടുപ്പ് പ്രചരണ യോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഇക്കുറി ഒറ്റക്കെട്ടായാണ് യുഡിഎഫ് തെരഞ്ഞെടുപ്പിനെ നേരിടുന്നതെന്നും ഉമ്മൻ ചാണ്ടി പറഞ്ഞു.
നരേന്ദ്ര മോദി സർക്കാറിന് കോർപറേറ്റുകളുടെ ഉന്നമനം മാത്രമാണ് ലക്ഷ്യം. ലക്ഷ കണക്കിന് ചെറുകിട വ്യാപാര സ്ഥാപനങ്ങളാണ് രാജ്യത്ത് അടച്ച് പൂട്ടിയത്. വർഷം തോറും അഞ്ച് കോടി പേർക്ക് ജോലി നൽകുമെന്ന നരേന്ദ്ര മേദിയുടെ തെരഞ്ഞെടുപ്പ് വാഗ്ദാനം പാഴ്വാക്കായതായി ഉമ്മൻ ചാണ്ടി പറഞ്ഞു.
ഉമ്മൻചാണ്ടി നിലമ്പൂരില്‍