മലപ്പുറം: നിലമ്പൂർ നഗരസഭയിലെ ക്വാറൻ്റൈൻ കേന്ദ്രങ്ങൾ ഫയർഫോഴ്‌സ് അണുവിമുക്തമാക്കി. മറ്റു സംസ്ഥാനങ്ങളിൽ നിന്നും വിദേശ രാജ്യങ്ങളിൽ നിന്നും എത്തുന്നവർക്ക് നിശ്ചയിക്കപ്പെട്ട കേന്ദ്രങ്ങളാണ് അണുവിമുക്തമാക്കിയത്.
നിലമ്പൂർ ഐ ജി എം എം ആർ സ്‌കൂളിലെ ആൺകുട്ടികളുടേയും പെൺകുട്ടികളുടെയും ഹോസ്റ്റൽ, നിലമ്പൂർ ടൂറിസ്റ്റ് ഹോം, സിനായ് ടൂറിസ്റ്റ് ഹോം എന്നിവയാണ് ഫയർഫോഴ്‌സും സിവിൽ ഡിഫെൻസ് വോളണ്ടിയർമാരും ചേർന്ന് അണുവിമുക്തമാക്കിയത്.
സ്റ്റേഷൻ ഓഫിസർ എം. അബ്ദുൽ ഗഫൂർ, ഫയർ ആൻഡ് റെസ്ക്യൂ ഓഫീസർമാരായ എ ശ്രീരാജ്, കെ സഞ്ജു, എൽ ഗോപാലകൃഷ്ണൻ, സിവിൽ ഡിഫെൻസ് വോളണ്ടിയർമാരായ ഷംസുദ്ദീൻ കൊളക്കാടൻ, ബിബിൻ പോൾ എന്നിവർ ചേർന്നാണ് അണുനശീകരണം നടത്തിയത്.