മലപ്പുറം:പയ്യനാട് പോക്സോ കേസ് പ്രതിയെ കുത്തി കൊലപ്പെടുത്തി. അറുപതുകാരനായ പള്ളിക്കണ്ടി സൈതലവിയാണ് കൊല്ലപ്പെട്ടത്.സംഭവത്തില്‍ പീഡനത്തിനിരയായ പെൺകുട്ടിയുടെ ബന്ധുവിനെ പൊലീസ് കസ്റ്റഡിയിലെടുത്തു. ഓട്ടിസം ബാധിച്ച പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ച കേസിൽ രണ്ടായിരത്തി പതിനാറിൽ അറസ്റ്റിലായ പയ്യനാട് പള്ളിക്കണ്ടി സൈതലവിയാണ് കുത്തേറ്റ് മരിച്ചത്. കേസിന്‍റെ വിചാരണ പുരോഗമിക്കുന്നതിനിടെയാണ് സംഭവം. പീഡനത്തിനിരയായ പെൺകുട്ടിയുടെ അമ്മാവനാണ് കൊലക്കേസിലെ പ്രതി.
പോക്സോ കേസ് പ്രതിയെ ഇരയുടെ അമ്മാവൻ കുത്തികൊന്നു