മലപ്പുറം: കുറ്റിപ്പുറത്ത് കോളജ് അധ്യാപികയുടെ നഗ്നചിത്രങ്ങൾ പ്രചരിപ്പിച്ച മുൻ കോളജ് അധ്യാപകനെ പിടികൂടാനുള്ള ശ്രമങ്ങൾ ഊർജിതമാക്കി പൊലീസ്. മലപ്പുറം ജില്ലാ പൊലീസ് മേധാവി ഇടപെട്ടതോടെ കുറ്റിപ്പുറം സ്റ്റേഷനിൽ ഐ.ടി. ആക്ട് പ്രകാരം പുതിയ കേസ് രജിസ്റ്റർ ചെയ്തു. യുവതിയുടെ ആദ്യ പരാതി അന്വേഷിക്കാൻ നാർക്കോട്ടിക് ഡി.വൈ.എസ്.പിയെ ചുമതലപ്പെടുത്തിയതായും മലപ്പുറം എസ്.പി യു.അബ്ദുൾ കരീം പറഞ്ഞു. നഗ്നചിത്രങ്ങൾ വെബ് സൈറ്റുകളിലും സോഷ്യൽ മീഡിയയിലും വിലാസവും ഫോൺനമ്പറും സഹിതം പ്രചരിപ്പിച്ചെന്ന യുവതിയുടെ പരാതിയിലാണ് തൃശൂർ സ്വദേശിക്കെതിരെ കേസെടുത്തിരിക്കുന്നത്.
അധ്യാപികയുടെ നഗ്നചിത്രങ്ങൾ പ്രചരിപ്പിച്ച സംഭവം; പ്രതിയെ പിടികൂടാനുള്ള ശ്രമങ്ങൾ ഊർജിതമെന്ന് പൊലീസ്