താനൂരിൽ കാർ ഇടിച്ച് വിദ്യാർത്ഥിക്ക് പരിക്ക്
മലപ്പുറം:അമിത വേഗതയിൽ നിയന്ത്രണം വിട്ടെത്തിയ കാർ വിദ്യാർത്ഥികളുടെ ഇടയിലേക്ക് ഇടിച്ച് കയറി ശേഷം സ്കൂട്ടറിലും ഇടിച്ചു. ഒരു വിദ്യാർത്ഥിക്കും സ്കൂട്ടർ യാത്രികർക്കും പരിക്കേറ്റു. മലപ്പുറം താനൂർ എടക്കടപ്പുറം ഹയർ സെക്കൻഡറി സ്കൂളിന് സമീപമാണ് അപകടം നടന്നത്.
വൈകിട്ട് സ്കൂൾ വിട്ട ശേഷം വീട്ടിലേക്ക് നടന്നുപോയ വിദ്യാർത്ഥികളുടെ ഇടയിലേക്ക് ഉണ്യാൽ ഭാഗത്തേക്ക് പോകുകയായിരുന്ന കാർ അമിത വേഗതയിൽ നിയന്ത്രണം വിട്ട് ഇടിക്കുകയായിരുന്നു. എതിരെ വന്ന സ്കൂട്ടറിലും ഇടിച്ചാണ് കാർ നിന്നത്. മൂന്ന് പേരെയും ആദ്യം തിരൂർ ജില്ല ആശുപത്രിയിലും പിന്നിട് സ്വകാര്യ ആശുപത്രിയിലും പ്രവേശിപ്പിച്ചു.