മലപ്പുറം: പലതരം വിവാഹ ഫോട്ടോഷൂട്ടുകള്‍ കണ്ട മലയാളികള്‍ക്കിടയില്‍ നിലവില്‍ വൈറലായിരിക്കുന്നത് മറ്റൊരു വ്യത്യസ്‌ത ബ്രൈഡല്‍ ഫോട്ടാഷൂട്ടാണ്. സുന്ദരമായി ഉടുത്തൊരുങ്ങിയ നവവധു പൊട്ടിപ്പൊളിഞ്ഞ റോഡിലൂടെ നടന്നുവരുന്നതാണ് വീഡിയോ. പൊതു സമൂഹത്തിന്‍റെ പ്രശ്നങ്ങള്‍ ചൂണ്ടിക്കാണിച്ചുകൊണ്ടുള്ള ഫോട്ടോഷൂട്ടുകളുടെ കാലത്ത് സമീപ പ്രദേശത്തെ റോഡിന്‍റെ ശോചനീയാവസ്ഥ വ്യക്തമാക്കുന്നതാണ് ഫോട്ടോ ഷൂട്ട്.
- https://www.instagram.com/arrow_weddingcompany/?utm_source=ig_embed&ig_rid=1e385046-cdcd-45d3-9a3d-9ae40cccbfec
മലപ്പുറം നിലമ്പൂര്‍ പൂക്കോട്ടുംപാടം സ്വദേശി സുജീഷയാണ് തന്‍റെ വിവാഹ ദിനത്തില്‍ പൊട്ടിപ്പൊളിഞ്ഞ റോഡിൽ വേറിട്ട ഫോട്ടോഷൂട്ട് നടത്തിയത്. റോഡിലെ കുഴികളും അതില്‍ ചെളിയും തളംകെട്ടികിടക്കുന്നത് വീഡിയോയില്‍ കാണാം. വിവാഹ സാരിയില്‍ അണിഞ്ഞൊരുങ്ങി ഈ ചെളിയില്‍ വീഴാതെ തകര്‍ന്ന റോഡിലൂടെ വധു നടന്നുവരുന്നതാണ് ചിത്രീകരിച്ചിരിക്കുന്നത്.