മലപ്പുറം: തവനൂര്‍ കൂരടയില്‍ ഒച്ചുകള്‍ പെരുകുന്നു. രണ്ടാഴ്‌ചയായി നൂറുകണക്കിന് ഒച്ചുകളാണ് പ്രദേശത്തെ വീടുകളുടെ പരിസരത്തും കിണറിലും മതിലിന് മുകളിലും പുരയിടത്തിലും വ്യാപകമായി പെരുകുന്നത്. ഒച്ചുകളെ ഉപ്പ് ഇട്ട് നശിപ്പിക്കുന്നുണ്ടെങ്കിലും ഇവ വീണ്ടും കൂട്ടമായി വ്യാപിക്കുകയാണ്. ഗ്രാമസഭയില്‍ പരാതിപ്പെട്ടതിന്‍റെ അടിസ്ഥാനത്തില്‍ പഞ്ചായത്ത് പ്രസിഡന്‍റിന്‍റെ നേതൃത്വത്തില്‍ കാര്‍ഷിക സര്‍വ്വകലാശാല-കൃഷി-ആരോഗ്യവകുപ്പ് അധികൃതര്‍ സ്ഥലം സന്ദര്‍ശിച്ചു. ഇത് ആഫ്രിക്കന്‍ ഒച്ചുകളാണെന്ന് പരിശോധനയില്‍ കണ്ടെത്തി. പ്രദേശവാസികള്‍ക്ക് പ്രതിരോധ പ്രവര്‍ത്തനങ്ങളെക്കുറിച്ച് നിര്‍ദേശം നല്‍കിയിട്ടുണ്ട്.
ഒച്ച് ശല്യം രൂക്ഷം; നാട്ടുകാര്‍ ദുരിതത്തില്‍