മലപ്പുറം:കോണ്‍ഗ്രസില്‍ അപ്രഖ്യാപിത വിലക്ക് നേരിടുന്നതിനിടെ ശശി തരൂർ എംപി പാണക്കാട് എത്തി. മുസ്ലിം ലീഗ് സംസ്ഥാന അധ്യക്ഷൻ പാണക്കാട് സാദിഖ് അലി തങ്ങളുടെ വസതിയിൽ ലീഗ് നേതാക്കളുമായി തരൂർ മുക്കാൽ മണിക്കൂറോളം കൂടിക്കാഴ്ച നടത്തി.
താൻ പാണക്കാട് വരുന്നത് പുതിയ കര്യമല്ല, മലപ്പുറത്ത് വരുമ്പോൾ പാണക്കാട് വരാറുണ്ട് തെരഞ്ഞെടുപ്പിൽ ലീഗ് നേതാക്കൾക്ക് വേണ്ടി പ്രചാരണം നടത്തിയിട്ടുണ്ടെന്നും തരൂർ പറഞ്ഞു. ലീഗ് നടത്തിയ സൗഹൃദ സംഘത്തെ പുകഴ്ത്തിയ തരൂർ കോൺഗ്രസിന് വേണ്ടത് ഗ്രൂപ്പല്ലെന്നും തനിക്ക് ഗ്രൂപ്പ് ഉണ്ടാക്കാൻ താത്പര്യര്യമില്ലെന്നും പറഞ്ഞു. തരൂരിനൊപ്പം എംകെ രാഘവൻ എംപിയും ഉണ്ടായിരുന്നു.
