മലപ്പുറം: വിടവാങ്ങിയ ഹൈദരലി ശിഹാബ് തങ്ങള്‍ മനുഷ്യ സ്‌നേഹത്തിന്‍റെ ഉദാത്ത മാതൃകയായിരുന്നുവെന്ന് രാഹുല്‍ ഗാന്ധി എംപി. കേരളം കണ്ട മഹത് വ്യക്തികളിലൊരാളായ തങ്ങള്‍ യുഡിഎഫ് എന്ന പ്രസ്ഥാനത്തിന്‍റെ മറക്കാനാവാത്ത നേതാവാണ്. തങ്ങളുടെ വിയോഗം വലിയ നഷ്‌ടം തന്നെയാണ് കേരളീയ സമൂഹത്തിന് ഉണ്ടാക്കിയതെന്നും രാഹുൽ ഗാന്ധി.
പാണക്കാട് ഹൈദരലി ശിഹാബ് തങ്ങളുടെ വസതി സന്ദര്‍ശിച്ച് രാഹുല്‍ ഗാന്ധി
മുസ്‌ലിം ലീഗ് എന്ന പ്രസ്ഥാനത്തെ ഉയര്‍ച്ചയിലേക്ക് നയിച്ച ഈ നേതാവിനെ ഒരു കാലത്തും ആര്‍ക്കും വിസ്‌മരിക്കാന്‍ കഴിയില്ല. വരും തലമുറക്ക് പാണക്കാട് ഹൈദരലി ശിഹാബ് തങ്ങള്‍ പാഠമായിരിക്കും. ആരോടും വിദ്വേഷമോ അവഗണനയോ കൂാതെ പ്രവര്‍ത്തിക്കാന്‍ കഴിയുക എന്നത് രാഷ്ട്രീയ ചരിത്രത്തില്‍ സംഭവിക്കാത്തതാണെന്നും എന്നാല്‍ അതില്‍ നിന്നെല്ലാം വ്യത്യസ്‌തനായ വ്യക്തിയാണ് തങ്ങൾ എന്നും രാഹുൽ ഗാന്ധി പറഞ്ഞു.