മലപ്പുറം:തിരൂരിൽ മൂന്ന് ദിവസം പ്രായമായ നവജാത ശിശുവിനെ മരിച്ച നിലയില്‍ കണ്ടെത്തി. തിങ്കളാഴ്‌ച രാവിലെ കന്മനം ചെനക്കലിലാണ് മൃതദേഹം കണ്ടെത്തിയത്. പറമ്പില്‍ ഉപേക്ഷിക്കപ്പെട്ട നിലയില്‍ കണ്ടെത്തിയ മൃതദേഹം തെരുവ് നായ്ക്കൾ കടിച്ചു കീറിയ നിലയിലായിരുന്നു. കല്‍പകഞ്ചേരി പൊലീസ് അന്വേഷണം ആരംഭിച്ചു.
തിരൂരിൽ നായ കടിച്ച് കീറിയ നിലയിൽ നവജാത ശിശുവിന്‍റെ മൃതദേഹം; അന്വേഷണം ആരംഭിച്ച് പൊലീസ്
പ്രദേശത്തെ മാലിന്യക്കുഴിയുടെ സമീപത്ത് നാട്ടുകാരാണ് കുഞ്ഞിന്‍റെ മൃതദേഹം കണ്ടെത്തിയത്. മേഖലയില്‍ നേരത്തെ തെരുവ് നായക്കളുടെ ശല്യം രൂക്ഷമായിരുന്നു. തിങ്കളാഴ്‌ച രാവിലെ പറമ്പില്‍ നിന്ന് കാക്കകള്‍ നിര്‍ത്താതെ ശബ്‌ദം വച്ചതിനെ തുടർന്ന് അടുത്തുള്ള വീട്ടുകാർ നടത്തിയ തെരച്ചിലിലാണ് മൃതദേഹം കണ്ടെത്തിയത്.