മലപ്പുറം: പ്രളയകാലത്ത് വീട് വൃത്തിയാക്കുന്നതിനിടെ ഷോക്കേറ്റ് മരിച്ച എരുമമുണ്ടിയിലെ മാടമ്പത്ത് ഇബ്രാഹിമിന്‍റെ കുടുംബത്തിന് ഇനി ഭയമില്ലാതെ ഉറങ്ങാം. ചെങ്കല്‍ ഉല്‍പാദക ഉടമസ്ഥ ക്ഷേമസംഘം ജില്ലാ കമ്മിറ്റിയാണ് തങ്ങളുടെ സഹപ്രവര്‍ത്തകന്‍റെ കുടുംബത്തിന് വീട് നിര്‍മ്മിച്ച് നല്‍കിയത്. 2018 ഓഗസ്റ്റ് പതിനാറിനുണ്ടായ കനത്ത മഴക്കും ഉരുള്‍പൊട്ടലിനും ശേഷം പതിനേഴിന് വീട് വൃത്തിയാക്കുന്നതിനിടെയാണ് ഇബ്രാഹിം ഷോക്കേറ്റ് മരിച്ചത്. ഇതോടെ ഭാര്യയും നാല് പെണ്‍കുട്ടികളും അടങ്ങുന്ന കുടുംബം തനിച്ചായി. ഈ സാഹചര്യത്തിലാണ് ചെങ്കല്‍ ഉല്‍പാദക ഉടമസ്ഥ ക്ഷേമ സംഘം ഇബ്രാഹിമിന്‍റെ കുടുംബത്തിന് കൈത്താങ്ങായത്.
വീട് നിര്‍മ്മിച്ച് നല്‍കി ചെങ്കല്‍ ഉല്‍പാദക ഉടമസ്ഥ ക്ഷേമസംഘം