മലപ്പുറം:അജ്ഞാതരുടെ വെട്ടേറ്റ് ഗുരുതര പരിക്കുകളോടെ ചികിത്സയിലായിരുന്ന മുസ്ലിം ലീഗ് പ്രതിനിധിയും മഞ്ചേരി മുനിസിപ്പൽ കൗൺസിലറുമായ തലാപ്പിൽ അബ്ദുൽ ജലീൽ അന്തരിച്ചു. ചൊവ്വാഴ്ച രാത്രി 10 മണിയോടെയായിരുന്നു ആക്രമണം. തലക്ക് ഗുരുതരമായി വെട്ടേറ്റ ജലീല്‍ പെരിന്തൽമണ്ണയിലെ സ്വകാര്യ ആശുപത്രിയിൽ തീവ്ര പരിചരണ വിഭാഗത്തില്‍ ചികിത്സയിലായിരുന്നു.
ബൈക്കിലെത്തിയ അജ്ഞാത സംഘമാണ് ആക്രമിച്ചത്. പാലക്കാട് ഭാഗത്ത് നിന്ന് വരികയായിരുന്ന വാഹനം കുട്ടിപ്പാറയില്‍ തടഞ്ഞ് നിർത്തി അക്രമിക്കുകയായിരുന്നു. കാറിൽ സഞ്ചരിക്കുകയായിരുന്ന അദ്ദേഹത്തെ ബൈക്കിലെത്തിയ രണ്ടംഗ സംഘമാണ് വെട്ടിപ്പരിക്കേല്‍പ്പിച്ചതെന്നാണ് വിവരം.