മലപ്പുറം: സമര്‍പ്പണത്തിന്‍റെ ജ്വലിക്കുന്ന ഓര്‍മകളുമായി ഒരു ബലിപെരുന്നാള്‍ കൂടി. ഒരുമയോടെ ആഘോഷിക്കാം ഈ ബലിപെരുന്നാളും. ആത്മസമര്‍പ്പണത്തിന്‍റെയും സഹനത്തിന്‍റെയും ആഘോഷദിനം ഒരിക്കല്‍ കൂടി നമ്മിലേക്ക് വന്നിരിക്കുകയാണ്. ഇബ്രാഹിം നബിയുടെയും മകന്‍ ഇസ്മായില്‍ നബിയുടെയും ത്യാഗസ്മരണകളുമായി ഒരു ദിനം കൂടി വന്നണയുമ്പോള്‍ ലോകത്തിന് നല്‍കുന്ന സന്ദേശവും മഹത്തരമാണ്. പ്രത്യേകിച്ച ലോകം ഒരു വലിയ പരീക്ഷണത്തിലൂടെ നീങ്ങുന്ന ഈ കാലത്ത്.
വീണ്ടുമൊരു ബലിപെരുന്നാൾ കൂടി; ആഘോഷങ്ങൾ വീടുകളില്‍ മാത്രം
ത്യാഗത്തിന്‍റെയും സഹനത്തിന്‍റെയും ബലിപെരുന്നാൾ
പരീക്ഷണങ്ങള്‍ക്കൊടുവില്‍ വിജയം സുനിശ്ചിതമാണെന്നാണ് ഈ ബലിപെരുന്നാള്‍ സന്ദേശവും ലോകത്തോട് പറയുന്നത്. അതാണ്, വിശ്വാസസമൂഹത്തെ മുന്നോട്ടുനയിക്കുന്നതും. ബലിപെരുന്നാള്‍ നമുക്കേകുന്ന സഹനസന്ദേശമാണ് നാം ഉള്‍ക്കൊള്ളേണ്ടത്. സാമൂഹിക അകലങ്ങളുടെ കാലത്ത് പരസ്പരമുള്ള കരുതലോടെയാണ് നാം മുന്നോട്ടു പോകേണ്ടത്.