മലപ്പുറം: കൊവിഡ് ബാധിതരായ ഗർഭിണികൾക്ക് വണ്ടൂരിൽ പ്രസവ സൗകര്യം ഒരുങ്ങുന്നു. ഇതിനായുള്ള സൗകര്യങ്ങൾ വിലയിരുത്തുന്നതിന് സ്റ്റേറ്റ് നോഡൽ ഓഫീസർ രാജമാണിക്യം ഐഎഎസ്, സബ് കലക്ടർ കെ എസ് അഞ്ജു എന്നിവർ വണ്ടൂർ താലൂക്കാശുപത്രി സന്ദർശിച്ചു.
കൊവിഡ് ബാധിതരായ ഗർഭിണികൾക്ക് വണ്ടൂരിൽ പ്രസവ സൗകര്യം ഒരുങ്ങുന്നു
നിലവിൽ കൊവിഡ് ബാധിതരായ ഗർഭിണികൾ പ്രസവത്തിനായി മഞ്ചേരി മെഡിക്കൽ കോളജിനെയാണ് ആശ്രയിക്കുന്നത്. ഇതാണ് നിലമ്പൂർ, വണ്ടൂർ, പെരിന്തൽമണ്ണ എന്നിവിടങ്ങളിലെ ജില്ലാ, താലൂക്ക് ആശുപത്രികളിലേക്ക് മാറ്റുന്നത്. നിലവിൽ വണ്ടൂരിൽ മൂന്ന് കോടിയോളം മുടക്കി ആധുനിക സൗകര്യങ്ങളുള്ള ഓപ്പറേഷൻ തീയറ്റടക്കം പ്രസവ വാർഡ് സജ്ജമാക്കിയിട്ടും ഡോക്ടർമാർ ഇല്ലാത്തത് പ്രതിഷേധങ്ങൾക്കിടയാക്കിയിരുന്നു.