കുറ്റിപ്പുറത്ത് വയോധികയെ തലക്കടിച്ച് കൊന്ന കേസിലെ പ്രതി പിടിയില്‍

ജൂണ്‍ 18നാണ് കുഞ്ഞിപ്പാത്തുമ്മയെ വീടിനുള്ളില്‍ മരിച്ച നിലയില്‍ കണ്ടെത്തിയത്.

മലപ്പുറം: കുറ്റിപ്പുറത്ത് വയോധികയെ തലക്കടിച്ച് കൊന്ന കേസിലെ പ്രതി പിടിയില്‍. നടുവട്ടം സ്വദേശി മുഹമ്മദ് ഷാഫിയാണ് പൊലീസ് പിടിയിലായത്.

ജൂണ്‍ 18നാണ് കുറ്റിപ്പുറം വെള്ളാറമ്പ് സ്വദേശി കുഞ്ഞിപ്പാത്തുമ്മയെ വീടിനുള്ളില്‍ മരിച്ച നിലയില്‍ കണ്ടെത്തിയത്. വർഷങ്ങളായി ഇവർ വീട്ടിൽ ഒറ്റയ്ക്കായിരുന്നു താമസം. ആക്രമണത്തില്‍ ഇവരുടെ തലയിൽ ആഴത്തിലുള്ള മുറിവുണ്ടായിട്ടുണ്ടായിരുന്നു.

പ്രാഥമിക തെളിവുകളുടെ അടിസ്ഥാനത്തിൽ കൊലപാതകം ആണെന്ന സംശയം പൊലീസ് ഉന്നയിച്ചിരുന്നു. തുടര്‍ന്ന് നടത്തിയ പരിശോധനയിലാണ് പ്രതിയെ പിടികൂടുന്നത്.

ജൂണ്‍ 20ന് മലപ്പുറം തവനൂരില്‍ സമാനമായ രീതിയില്‍ വയോധികയെ മരിച്ച നിലയില്‍ കണ്ടത്തിയിരുന്നു. തട്ടോട്ടില്‍ ഇയ്യാത്തുട്ടി ഉമ്മയാണ് മരിച്ചത്.