മലപ്പുറം: ബാഡ്ജുകള് കൊണ്ട് വ്യത്യസ്തമായ അത്തമൊരുക്കി മലപ്പുറം സ്വദേശി. ജില്ലാ പഞ്ചായത്ത് മുൻ സ്റ്റാന്‍റിങ് കമ്മിറ്റി ചെയർമാനും മുസ്ലിം ലീഗ് ജില്ലാ സെക്രട്ടറിയുമായ ഉമ്മർ അറക്കലാണ് ബാഡ്ജുകള് കൊണ്ട് അത്തമൊരുക്കിയത്. 1995 മുതൽ 2020 വരെ കഴിഞ്ഞ 25 വർഷം പൊതുപരിപാടികളിൽ പങ്കെടുക്കുമ്പോൾ ലഭിച്ചിരുന്ന ബാഡ്ജുകള് ഉപയോഗിച്ചാണ് ഉമ്മര്‍ അത്തമൊരുക്കിയത്.
ബാഡ്ജുകള് കൊണ്ട് വ്യത്യസ്‌ത അത്തമൊരുക്കി മലപ്പുറം സ്വദേശി
കൊവിഡ് ലോക്ക്ഡൗണിനിടെയാണ് ഉമ്മര്‍ ബാഡ്ജുകള് പൊടി തട്ടിയെടുത്ത്. തുടര്‍ന്ന് തീര്‍ത്ത അത്തക്കളത്തിന്‍റെ ചിത്രം കഴിഞ്ഞ ദിവസം സമൂഹ മാധ്യമങ്ങളിൽ വൈറലായിരുന്നു. പുതിയ കാലത്ത് പേപ്പര്‍ ബാഡ്ജുകള് അപ്രത്യക്ഷമാവുകയും കഴുത്തിൽ തൂക്കിയിടുന്ന പ്ളാസ്റ്റിക്ക് ബാഡ്ജുകള് വ്യാപകമാവുകയും ചെയ്തിട്ടുണ്ട്.