മലപ്പുറം:കുടുംബവഴക്കിനെ തുടർന്ന് വഴിക്കടവ് പുളിക്കലങ്ങാടിയില്‍ നടന്ന സംഘർഷത്തില്‍ ഒൻപത് പേർക്ക് പരിക്ക്. സംഭവത്തില്‍ ഗുരുതരമായി പരിക്കേറ്റ പുളിക്കലങ്ങാടി തമ്പലക്കോടൻ സൈതലവിയെ (48) മെഡിക്കല്‍ കോളജിലേക്ക് മാറ്റി. ശനിയാഴ്ച ഉച്ചയ്ക്ക് മൂന്ന് മണിയോടെ കുറുമ്പലങ്ങോട് മാതയിലാണ് സംഭവം. സംഘർഷത്തില്‍ സൈതലവിയുടെ ഭാര്യ സൗദത്ത് (40), മകള്‍ ഷഹന (22), ബന്ധുവായ സുഹൈര്‍ പിലാക്കോടന്‍ (20), ഷെഹില്‍ തമ്പലക്കോടന്‍ (20), കുറുമ്പലങ്ങോട് തെച്ചിയോടന്‍ മുഹമ്മദ് (58), ഭാര്യ മറിയ(50), മക്കളായ അളഹര്‍ (30), സഹോദരന്‍ മുബാറക്ക് (26) എന്നിവര്‍ക്കാണ് പരിക്കേറ്റു.
സൈതലവിയുടെ മകൾ ഷഹനയും ഭർത്താവ് അളഹറും തമ്മിലുള്ള കുടുംബ തർക്കമാണ് അക്രമത്തില്‍ കലാശിച്ചത്. മകനെ വിട്ട് കിട്ടണമെന്ന് ആവശ്യപ്പെട്ട് അളഹറിന്‍റെ വീടിന് മുന്നില്‍ സമരത്തിലിരുന്ന ഷഹനയെ അളഹറിന്‍റെ സഹോദരൻ മുബാറക് വയറ്റില്‍ ചവിട്ടിയത് ഷഹനയുടെ കുടുംബം ചോദ്യം ചെയ്യാൻ എത്തിയതാണ് സംഘർഷമുണ്ടാക്കിയത്.