മലപ്പുറം: ചരക്ക് ലോറികള്‍ക്ക് അതിര്‍ത്തി കടക്കാന്‍ തൊഴിലാളികളുടെ കൈവശം 72 മണിക്കൂര്‍ മുന്‍പ് എടുത്ത ആര്‍ടിപിസിആര്‍ നെഗറ്റീവ് സര്‍ട്ടിഫിക്കറ്റ് വേണമെന്ന കര്‍ണാടകയുടെ നിബന്ധന പിന്‍വലിയ്ക്കാന്‍ സര്‍ക്കാര്‍ ഇടപെടണമെന്ന് ജില്ല ലോറി ഓണേഴ്‌സ് വെല്‍ഫെയര്‍ അസോസിയേഷന്‍.
'ചരക്ക് ലോറികൾക്ക് അതിർത്തി കടക്കണം' ; സർക്കാർ ഇടപെടണമെന്ന് ആവശ്യം
കക്കനള്ള, മുത്തങ്ങ, ബാവലി, തോല്‍പ്പെട്ടി അതിര്‍ത്തി ചെക്കുപോസ്റ്റുകളിലാണ് കര്‍ണാടക സര്‍ക്കാര്‍ നിയമം കര്‍ശനമാക്കിയത്. കക്കനള്ള ചെക്ക്പോസ്റ്റില്‍ മൂന്ന് ദിവസമായി ചരക്ക് ലോറികള്‍ തടഞ്ഞിട്ടിരിയ്ക്കുകയാണ്.
ആര്‍ടിപിസിആര്‍ സര്‍ട്ടിഫിക്കറ്റ് ഇല്ലാത്തവരെ വാഹനമടക്കം കേരളത്തിലേയ്ക്ക് തന്നെ തിരിച്ചയയ്‌ക്കുന്നു. ഈ നില തുടര്‍ന്നാല്‍ അവശ്യവസ്തുക്കളുടെ ക്ഷാമത്തിനും വിലക്കയറ്റത്തിനും കാരണമാകുമെന്ന് അസോസിയേഷന്‍ ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു.