വാടകകെട്ടിടത്തില്‍ അസൗകര്യങ്ങളുടെ നടുവില്‍ എടവണ്ണ പൊലീസ് സ്റ്റേഷൻ

എടവണ്ണ പൊലീസ് സ്‌റ്റേഷന് സ്വന്തമായി കെട്ടിടം നിര്‍മിക്കാന്‍ ജനപ്രതിനിധികളും പൊതുപ്രവർത്തകരും മുന്നിട്ടിറങ്ങണമെന്നാണ് ആവശ്യം.

മലപ്പുറം: അടിസ്ഥാന സൗകര്യങ്ങളില്ലാതെ വലഞ്ഞ് എടവണ്ണ പൊലീസ് സ്റ്റേഷന്‍. വാടക കെട്ടിടത്തില്‍ ലോക്കപ്പില്ലാത്തതിനാല്‍ പ്രതികളെ പിടികൂടിയാല്‍ പൊലീസ് ഉദ്യോഗസ്ഥർ കാവലിരിക്കണം. എസ് ഐ അടക്കമുള്ളവർക്ക് ഇരിക്കാൻ പോലും സ്ഥലമില്ലാത്ത അവസ്ഥ. പഞ്ചായത്തിന്‍റെ അധീനതയിൽ മുണ്ടേങ്ങരയിൽ സ്ഥലമുണ്ടായിട്ടും സ്വന്തം കെട്ടിടം നിർമിക്കാൻ ഇനിയും അനുമതി ലഭിച്ചിട്ടില്ല. സ്വന്തം കെട്ടിടം നിർമിക്കാൻ സ്ഥലം ഏറ്റെടുത്ത് നല്‍കാൻ അധികൃതർ തയ്യാറാകണമെന്നാണ് നാട്ടുകാരുടേയും പൊലീസ് ഉദ്യോഗസ്ഥരുടേയും ആവശ്യം.