മലപ്പുറം: വണ്ടൂരിൽ നടുവത്ത് ഭാര്യയേും നാല് കുഞ്ഞുങ്ങളേയും രാത്രി വീട്ടിൽ നിന്ന് അടിച്ചിറക്കിയതായി പരാതി. 21 ദിവസം മാത്രം പ്രായമുളള ഇരട്ടക്കുട്ടികൾ ഉൾപ്പെടെ നാല് കുഞ്ഞുങ്ങളേയാണ് വീട്ടിൽ നിന്ന് ഇറക്കി വിട്ടത്. 50 വയസ് പ്രായമുള്ള ഭാര്യമാതാവിനെയും ഇയാൾ ഇറക്കിവിട്ടു. യുവാവിനെതിരെ ഗാർഹിക പീഡനത്തിനും മർദ്ദനത്തിനും കേസെടുത്തിട്ടുണ്ട്.
ഭാര്യയേയും കുട്ടികളെയും വീട്ടിൽ നിന്ന് അടിച്ചിറക്കി
സംഭവത്തിൽ ചക്കാലപ്പറമ്പ് സ്വദേശിയായ ഷമീറിനെതിരെ വണ്ടൂർ പൊലീസ് കേസെടുത്തു. രാത്രിയിൽ മദ്യപിച്ച് വീട്ടിലെത്തി ഭാര്യയേയും കുട്ടികളേയും ഉപദ്രവിക്കുന്നത് ഇയാളുടെ പതിവായിരുന്നു. ജൂൺ 19ന് രാത്രി 10 മണിയോടെ മദ്യപിച്ച് വീട്ടിലെത്തിയ ഷമീർ ഭാര്യയോട് വഴക്കിട്ട് ഭാര്യയേയും മക്കളേയും ഭാര്യാമാതാവിനേയും റോഡിലേക്കിറക്കിവിടുകയായിരുന്നു.