മലപ്പുറം:ഒന്നാം ക്ലാസുകാരന് സഹപാഠികളുടെ സ്നേഹവീട്. ഫാത്തിമാഗിരി സ്കൂൾ മാനേജ്മെന്‍റും പി.ടി.എ കമ്മറ്റിയും ചേർന്നാണ് വീട് നിർമിച്ച് നൽകിയത്. ചാലിയാർ പഞ്ചായത്തിലെ പൈങ്ങാക്കോട് ആന്തൂരൻ വിനോദ് - ശ്രുതി ദമ്പതികളുടെ മകനും നിലമ്പൂർ ഫാത്തിമാഗിരി ഇംഗ്ലീഷ് സ്കൂൾ ഒന്നാം ക്ലാസ് വിദ്യാർഥിയുമായ രശ്‌വിനാണ് സഹപാഠികൾ സ്നേഹവീട് ഒരുക്കിയത്. 2019 ഓഗസ്റ്റ് എട്ടിനുണ്ടായ പ്രളയത്തിൽ വെള്ളം കയറി രശ്‌വിന്‍റെ തറവാട് വീട് നശിച്ചു. ഇതോടെ ഈ കുടുംബം ദുരിതത്തിലായി. ഫാത്തിമാഗിരി സ്കൂളിലെ പ്രിൻസിപ്പൾ ഉൾപ്പെടെയുള്ള അധ്യാപകരും പി.ടി.എ കമ്മറ്റിയും നേരിട്ടെത്തി കുടുംബത്തിന്‍റെ അവസ്ഥ മനസിലാക്കി. ഇതിനെ തുടർന്നാണ് വിദ്യാർഥികളുടെയും രക്ഷിതാക്കളുടെയും സ്കൂൾ മാനേജ്മെന്‍റിന്‍റെയും സഹായത്തോടെ രശ്‌വിന് വേണ്ടി വീട് നിര്‍മിക്കാന്‍ തീരുമാനിച്ചത്.
ഒന്നാം ക്ലാസുകാരന് സ്‌നേഹവീടൊരുക്കി സഹപാഠികള്‍