മലപ്പുറം: വനംകൊള്ള രാഷ്ട്രീയ നേതൃത്വത്തിന്‍റെ അറിവോടെയാണ് നടന്നതെന്ന് പി കെ കുഞ്ഞാലിക്കുട്ടി. മുഖ്യമന്ത്രിയും സര്‍ക്കാരും അറിയാതെ ഇങ്ങനെ ഒരു കൊള്ള നടക്കില്ലെന്നും മരംമുറി അറിഞ്ഞില്ലെങ്കില്‍ ഇവര്‍ ഭരണത്തിലിരിക്കാന്‍ പ്രാപ്തിയുള്ളവരല്ലെന്നും കുഞ്ഞാലിക്കുട്ടി മലപ്പുറത്ത് പറഞ്ഞു.
വനം കൊള്ളയ്ക്ക് വേണ്ടിയാണ് സര്‍ക്കാര്‍ പ്രത്യേക ഉത്തരവ് ഇറക്കിയത്. ആളുകളെ പറഞ്ഞ് പറ്റിച്ച്‌ തുച്ഛമായ പണം നല്‍കി മരം മുറിച്ചു. വലിയ മാഫിയയാണ് ഇതിന് പിറകിലുള്ളത്. മരംവെട്ടുന്ന കാര്യത്തില്‍ പരിസ്ഥിതി സംഘടനകള്‍ ഇടപെടണമെന്നും അദ്ദേഹം കൂട്ടിച്ചേർത്തു.
വനം കൊള്ള സർക്കാരിന്‍റെ അറിവോടെയെന്ന് പി കെ കുഞ്ഞാലിക്കുട്ടി