മലപ്പുറം: നിർത്തിയിട്ട ബൈക്കിൽ നിന്ന് 20 ലക്ഷം രൂപയുടെ സ്വർണാഭരണങ്ങൾ കവർന്നതായി പരാതി. പാണ്ടിക്കാട് ടൗണിലെ ഗോൾഡ് ക്ലീനിങ്‌ സ്ഥാപനത്തിലെ തൊഴിലാളിയായ കിഷോറാണ് പൊലീസിൽ പരാതി നൽകിയത്. ക്ലീൻ ചെയ്‌ത സ്വർണ്ണാഭരണങ്ങളുമായി ഒറവംപുറത്തെ വീട്ടിലേക്ക് പോകും വഴി കടയിൽ കയറി സാധനങ്ങൾ വാങ്ങിയ തക്കത്തിലാണ് ബൈക്കിൽ വെച്ച കവറുൾപ്പടെ മോഷണം പോയത്.
നിർത്തിയിട്ട ബൈക്കിൽ നിന്ന് 20 ലക്ഷത്തിന്‍റെ സ്വർണാഭരണങ്ങൾ മോഷ്‌ടിച്ചു; സിസിടിവി ദൃശ്യങ്ങള്‍ പുറത്ത്‌
ഒറവംപുറത്തെ കടയിൽ നിന്ന് മോഷണത്തിൻ്റെ സി.സി.ടി.വി ദൃശ്യങ്ങളും ലഭിച്ചിട്ടുണ്ട്. പാണ്ടിക്കാട് ടൗണിലെ വിവിധ ജ്വല്ലറികളിലെ പഴയ സ്വർണാഭരണങ്ങൾ ക്ലീൻ ചെയ്യുന്ന സ്ഥാപനത്തിലെ തൊഴിലാളിയാണ് കിഷോർ. ഇത്തരത്തിൽ ക്ലീൻ ചെയ്‌ത 450 ഗ്രാം സ്വർണാഭരണങ്ങളുമായി പോകുമ്പോഴാണ്‌ ചൊവ്വാഴ്‌ച രാത്രി ഒൻപതിന് മോഷണം നടന്നത്‌.