മലപ്പുറം: കരിപ്പൂർ വിമാനത്താവളത്തിൽ (Kozhikode international airport) 4.7 കിലോ സ്വർണ്ണം പിടികൂടി. മൂന്ന് യാത്രക്കാരിൽ നിന്നാണ് സ്വർണം പിടികൂടിയത് (Gold seized). മലാശയത്തിലും അടിവസ്‌ത്രത്തിലുമായി ഒളിപ്പിച്ച സ്വർണമാണ് കസ്റ്റംസ് (Customs) പിടിച്ചെടുത്തത്. കസ്റ്റംസ് ഇൻറലിജൻസ് വിഭാഗം നടത്തിയ പരിശോധനയിലാണ് സ്വർണം പിടികൂടിയത്.
കോഴിക്കോട് സ്വദേശി ഹനീഫയിൽ നിന്ന് 2.28 കിലോ സ്വർണ്ണവും മലപ്പുറം തിരൂരങ്ങാടി സ്വദേശിയിൽ രവീന്ദ്രനില്‍ നിന്ന് 2.06 കിലോ സ്വർണവും മലപ്പുറം സ്വദേശി അബ്‌ദുല്‍ ജലീലില്‍ നിന്നും 335 ഗ്രാം സ്വർണവുമാണ് പിടികൂടിയത്.