കരിപ്പൂർ വിമാനത്താവളത്തിൽ നിന്ന് സ്വർണം പിടികൂടി

വെള്ളിയാഴ്‌ചയും കരിപ്പൂർ വിമാനത്താവളത്തിൽ നിന്ന് സ്വർണം പിടികൂടിയിരുന്നു.

മലപ്പുറം:കരിപ്പൂർ വിമാനത്താവളത്തിൽ നിന്ന് 2.138 കിലോഗ്രാം സ്വർണം പിടികൂടി. ദുബായിൽ നിന്ന് എത്തിയ യാത്രക്കാരിൽ നിന്നാണ് സ്വർണം പിടികൂടിയത്. പൊതുവിപണിയിൽ 89 ലക്ഷം രൂപ വിലവരുന്ന സ്വർണമാണ് പിടികൂടിയിട്ടുള്ളത്.

1079 ഗ്രാം സ്വർണം പാലക്കാട് സ്വദേശി ഷബീർ നിന്നും 1059 ഗ്രാം മലപ്പുറം സ്വദേശി ഷിബിലി നിന്നുമാണ് പിടികൂടിയത്. കഴിഞ്ഞ ദിവസം 45 ലക്ഷം രൂപ വില വരുന്ന സ്വർണം വിമാനത്തിന്‍റെ ബാത്റൂമിൽ നിന്നും ലഭിച്ചിരുന്നു. കസ്റ്റംസ് ഇന്‍റലിജൻസ് വിഭാഗം നടത്തിയ പരിശോധനയിലാണ് സ്വർണം കണ്ടെത്തിയത്.