കരിപ്പൂർ വിമാനത്താവളത്തിൽ നിന്ന് സ്വർണം പിടികൂടി

268 ഗ്രാം സ്വർണമാണ് പിടികൂടിയത്. മുഹമ്മദ് ബഷീർ (34), മുഹമ്മദ് കാസിം (27) എന്നിവരെ കസ്റ്റംസ് അറസ്റ്റ്‌ ചെയ്തു.

മലപ്പുറം: കരിപ്പൂർ വിമാനത്താവളത്തിൽ 268 ഗ്രാം സ്വർണം പിടികൂടി. സംഭവവുമായി ബന്ധപ്പെട്ട് കാസർകോട് സ്വദേശികളായ മുഹമ്മദ് ബഷീർ (34), മുഹമ്മദ് കാസിം (27) എന്നിവരെ കസ്റ്റംസ് അറസ്റ്റ്‌ ചെയ്തു. മുഹമ്മദ് ബഷീർ കാരയ്ക്കയിലും ചോക്ലേറ്റിലുമായാണ് 90 ഗ്രാം സ്വർണം ഒളിപ്പിച്ച് കടത്തിയത് . ദുബൈയിൽ നിന്ന് ഇൻഡിഗോ എയർ വിമാനത്തിലാണ് ഇയാൾ കോഴിക്കോട് എത്തിയത്. പിടിച്ചെടുത്ത സ്വർണത്തിന് നാല് ലക്ഷം രൂപ വിലവരും.

ഷൂസിലും വസ്ത്രത്തിലുമായി ഒളിപ്പിച്ച് കടത്തുകയായിരുന്ന 178 ഗ്രാം സ്വർണമാണ് മുഹമ്മദ് കാസിംമിന്‍റെ പക്കൽ നിന്നും പിടിച്ചെടുത്തത്. 9.2 ലക്ഷം രൂപ വിലവരുന്ന സ്വർണമാണിത്.