മലപ്പുറത്ത് അരകോടി രൂപ വിലമതിക്കുന്ന കഞ്ചാവ് പിടികൂടി

കഞ്ചാവ് വിറ്റ വകയിൽ ഉണ്ടായിരുന്ന 75,000 രൂപയും ഇയാളുടെ പക്കൽനിന്നും കണ്ടെടുത്തു

മലപ്പുറം:തിരൂരിൽ വൻ കഞ്ചാവ് വേട്ട. സംഭവവുമായി ബന്ധപ്പെട്ട് മലപ്പുറം കുറക്കത്താണി സ്വദേശിയായ കല്ലൻ ഇബ്രാഹീം എന്ന ഇബ്രാഹിമിനെ എക്സൈസ് പിടികൂടി. കോട്ട്കല്ലിങ്ങൽ ഭാഗത്ത് പ്രവർത്തിക്കുന്ന നാലകത്ത് ലോഡ്‌ജ് കേന്ദ്രീകരിച്ച് കഞ്ചാവ് മൊത്തവിൽപ്പന നടത്തി വരികയായിരുന്നു ഇയാള്‍ . ലോഡ്‌ജി മുറിയിലും ലോഡ്‌ജിന് മുൻവശം നിർത്തിയിട്ടിരുന്ന കാറിലുമായി സൂക്ഷിച്ചിരുന്ന 50 കിലോയിലധികം കഞ്ചാവാണ് പിടികൂടിയത്. പിടികൂടിയ കഞ്ചാവിന് അൻപത് ലക്ഷം രൂപയോളം അന്താരാഷ്ട്ര വിപണിയിൽ മതിപ്പ് വില കണക്കാക്കുന്നു. കൂടാതെ കഞ്ചാവ് വിറ്റ വകയിൽ ലഭിച്ച 75,000 രൂപയും കണ്ടെടുത്തു.