മലപ്പുറം: ദക്ഷിണേന്ത്യയിലെ വിവിധ സംസ്ഥാനങ്ങൾ കേന്ദ്രീകരിച്ച് സൈബർ തട്ടിപ്പ് വഴി ലക്ഷങ്ങൾ കൊള്ളയടിച്ച സംഘം മലപ്പുറം താനൂരിൽ പൊലീസിന്‍റെ പിടിയിലായി. ലോൺ നൽകാമെന്ന് ഫോണിൽ സന്ദേശം അയച്ച് ഇടപാടുകാരെ കണ്ടെത്തിയ ശേഷം പണം കൈക്കലാക്കിയിരുന്നു സംഘം തട്ടിപ്പ് നടത്തിയിരുന്നത്. സംഭവത്തിൽ തെങ്കാശി സ്വദേശി വീരകുമാർ, കോട്ടയം സ്വദേശി സരുൻ, മലപ്പുറം പാണ്ടിക്കാട് സ്വദേശി ജിബിൻ, പത്തനംതിട്ട സ്വദേശി രാഹുൽ എന്നിവരാണ് പിടിയിലായത്.
താനൂർ ഡി.വൈ.എസ്‌.പി യുടെ നേതൃത്വത്തിൽ ബെംഗളൂവിരിൽ നിന്നാണ് പ്രതികളെ പിടികൂടിയത്. ബാങ്ക് പാസ്ബുക്ക്,16 എടിഎം കാർഡുകൾ, 15 മൊബൈൽ ഫോണുകൾ, ആഡംബര കാർ എന്നിവയും സംഘത്തിൽ നിന്നും താനൂർ പൊലീസ് പിടിച്ചെടുത്തു. കേരളത്തിലുടനീളം നിരവധി പേർ ഇവരുടെ വലയിൽ കുടുങ്ങിയതായി പൊലീസ് പറഞ്ഞു.