മലപ്പുറം: പോത്തുകല്‍ പഞ്ചായത്തിലെ പ്രളയദുരിത ബാധിതര്‍ക്ക് ഭൂമി ലഭ്യമാക്കുന്നതിനുള്ള നടപടിക്രമങ്ങള്‍ക്ക് തുടക്കമായി. പുനരധിവാസ പ്രവര്‍ത്തനങ്ങള്‍ക്ക് വേണ്ടി സര്‍ക്കാരിന് ഭൂമി വിട്ടുനല്‍കാന്‍ തയാറായവരുടെ ഭൂമിയുടെ പരിശോധന ജില്ലാ കലക്‌ടര്‍ ജാഫര്‍ മാലിക്കിന്‍റെ നേതൃത്വത്തില്‍ നടന്നു. പോത്തുകല്‍ പഞ്ചായത്തിലെ ആനക്കല്ലിലെ മൂന്നരയേക്കറും പനങ്കയം കൂവക്കോലിലെ ആറേമുക്കാന്‍ ഏക്കറും ഭൂദാനം മച്ചിക്കൈ ചെമ്പ്ര കോളനിക്ക് സമീപം രണ്ടിടങ്ങളിലായുള്ള പതിനെട്ട് ഏക്കറും മുണ്ടേരിയിലെ പന്ത്രണ്ട് ഏക്കറും എടക്കര ഗ്രാമപഞ്ചായത്തിലെ ഒരു ഭൂമിയുമാണ് ജില്ല കലക്‌ടറും സംഘവും ശനിയാഴ്ച പരിശോധന നടത്തിയത്.
പ്രളയ പുനരധിവാസം; പോത്തുകല്‍ പഞ്ചായത്തില്‍ സ്ഥലപരിശോധന നടത്തി