മലപ്പുറം: സംസ്ഥാന ഹജ്ജ് കമ്മിറ്റിയുടെ നേതൃത്വത്തിൽ ഈ വർഷം ഹജ്ജിന് പോകുന്ന ആദ്യസംഘം പുറപ്പെട്ടു. 298 യാത്രക്കാരുടെ സംഘമാണ് കരിപ്പൂർ വിമാനത്താവളത്തിൽ നിന്ന് പുറപ്പെട്ടത്. 132 പുരുഷന്മാരും 166 സ്ത്രീകളുമാടക്കം 298 പേരടങ്ങുന്ന സംഘം ഉച്ചക്ക് 2.30 നാണ് പുറപ്പെട്ടത്. നാല് വർഷത്തിന് ശേഷം പുനഃസ്ഥാപിച്ച കരിപ്പൂരിൽ ഹജ്ജ് എംബാർക്കേഷൻ പോയന്‍റിൽ നിന്നാണ് ഈ വർഷത്തെ സംസ്ഥാന ഹജ്ജ് കമ്മിറ്റിയുടെ കീഴിലുള്ള ആദ്യ ഹജ്ജ് തീർഥാടക സംഘം യാത്ര തിരിച്ചത്. 138 പുരുഷന്മാരും 156 സ്ത്രീകളുമടുങ്ങുന്ന 294 പേരുടെ രണ്ടാമത്തെ സംഘവും മൂന്ന് മണിക്ക് പുറപ്പെട്ടു. സൗദി എയർലൈൻസ് വിമാനത്തിലാണ് യാത്ര. ഫ്ലാഗ് ഓഫ് ചടങ്ങ് റിപ്പോർട്ട് ചെയ്യാൻ മാധ്യമങ്ങളെ അധികൃതർ അനുവദിച്ചില്ല.
സംസ്ഥാന ഹജ്ജ് കമ്മിറ്റിയുടെ നേതൃത്തിലുള്ള ആദ്യ തീർഥാടക സംഘം പുറപ്പെട്ടു