മലപ്പുറം:വഴിക്കടവ് വെള്ളക്കട്ടയിൽ ജനവാസ കേന്ദ്രത്തിൽ ഒറ്റയാന്‍റെ ആക്രമണം. ഞായറാഴ്ച പുലർച്ചെ മൂന്നരയോടെ കാടുവിട്ടിറങ്ങിയ ഒറ്റയാൻ മേലെ വെള്ളക്കട്ടയിലെ ചട്ടിപ്പാറ കോളനിയിലെ ചെമ്പ്രാൻ വിജയന്‍റെ കുടിൽ ഭാഗികമായി തകർത്തു. നിരവധി പേരുടെ കൃഷി വിളകളും നശിപ്പിച്ചിട്ടുണ്ട്.
ചെമ്പ്രാനും ഭാര‍്യ ലതികയും മക്കളായ വിമൽ വിജയ്, വിനിൽ വിജയ് എന്നിവർ സംഭവ സമയത്ത് കുടിലിൽ ഉണ്ടായിരുന്നു. ആനയെ കണ്ട് ഭയന്ന ഇവർ ബഹളം വെച്ചതോടെ നാട്ടുകാർ എത്തി ഒറ്റയാനെ കാട്ടിലേക്ക് ഓടിക്കുകയായിരുന്നു. പ്രദേശത്തെ വിജയൻ ചെമ്പ്രാൻ, പുന്നത്തിൽ ഗോപാലൻ, മുരിയംകണ്ടൻ ഗോപാലൻ എന്നിവരുടെ കൃഷിയിടത്തിലും ഒറ്റയാൻ നാശം വിതച്ചു.
വഴിക്കടവ് വെള്ളക്കട്ടയിൽ ഒറ്റയാൻ ആക്രമണം; കുടിൽ തകർത്തു