മലപ്പുറം: ഓടിക്കൊണ്ടിരുന്ന ആംബുലന്സിന് മുകളിലേക്ക് വൈദ്യുതി പോസ്റ്റ് വീണ് അപകടം. കരുവാരക്കുണ്ട് തരിശിൽ വ്യാഴാഴ്ച്ച വൈകിട്ട് മൂന്നരയോടെയാണ് അപകടമുണ്ടായത്. സംഭവത്തില് ആർക്കും പരിക്കില്ല.
കരുവാരക്കുണ്ടിൽ നിന്ന് തരിശിലേക്ക് രോഗിയെ എടുക്കാൻ പോയ ആംബുലന്സിന് മുകളിലേക്കാണ് വൈദ്യുതി പോസ്റ്റ് വീണത്. വാഹനത്തിലുണ്ടായിരുന്ന ഡ്രൈവർ നാലകത്ത് ആരിഫ് പരിക്കേൽക്കാതെ രക്ഷപ്പെട്ടു.