മലപ്പുറം: മലപ്പുറം വറ്റലൂർ സ്വദേശി ഉമ്മർ കുട്ടിയുടെ അക്വഫോണിക് ഫാമില്‍ ഇപ്പോൾ വിളവെടുപ്പ് കാലമാണ്. പേരിലെ വ്യത്യസ്തത രുചിയിലും ഗുണത്തിലും നിലനിർത്തുന്ന ഡ്രാഗൺ ഫ്രൂട്ടാണ് ഉമ്മർ കുട്ടിയുടെ ജൈവ ഫാമിലെ പ്രധാന ആകർഷണം. വിദേശിയാണെങ്കിലും നമ്മുടെ മണ്ണിലും ഡ്രാഗൺ ഫ്രൂട്ട് വിളയിക്കാമെന്ന് പ്രവാസ ലോകത്ത് നിന്ന് മടങ്ങിയെത്തി കൃഷിയില്‍ സജീവമായ ഉമ്മർ കുട്ടി തെളിയിച്ചു. ഇപ്പോൾ വറ്റലൂരിലെ ഫാം നിറയെ ഡ്രാഗൺ ഫ്രൂട്ട് വിളഞ്ഞു നില്‍ക്കുകയാണ്. ഫ്രൂട്ട് സാലഡ്, മില്‍ക്ക് ഷെയ്ക്ക് എന്നിവ തയ്യാറാക്കുമ്പോഴാണ് ഡ്രാഗൺ ഫ്രൂട്ട് യഥാർഥ രുചി കൈവരിക്കുന്നതെന്ന് ഉമ്മർ കുട്ടി പറയുന്നു.
ഉമ്മർ കുട്ടിയുടെ ഫാമില്‍ നിറയെ കടല്‍കടന്നെത്തിയ "ഡ്രാഗൺ മധുരം"