മലപ്പുറം:റോഡ് സുരക്ഷാ പ്രചരണവും ഒപ്പം സമ്മാനവുമായി മോട്ടോർ വാഹനവകുപ്പ്. മുപ്പത്തിയൊന്നാം ദേശീയ റോഡ് സുരക്ഷാ വാരത്തിന്‍റെ ഭാഗമായാണ് പരിപാടി സംഘടിപ്പിച്ചത്. നിയമം പാലിച്ച്‌ വാഹനമോടിച്ചവർക്ക് തിരൂരങ്ങാടി മോട്ടോർവാഹന വകുപ്പ് ഉദ്യോഗസ്ഥർ റോഡ് സുരക്ഷാ സന്ദേശമടങ്ങിയ തുണിസഞ്ചികൾ സമ്മാനമായി നല്‍കി.ഇരുചക്രവാഹനങ്ങളിൽ രണ്ടുപേരും ഹെൽമറ്റ് ധരിക്കുക, സീറ്റ് ബെൽറ്റ് ധരിക്കുക തുടങ്ങിയ നിയമങ്ങൾ പാലിച്ചവർക്ക്‌ തുണിസഞ്ചികൾ വിതരണം ചെയ്യുകയും അഭിനന്ദിക്കുകയും ചെയ്‌തു . ഒപ്പം പ്രകൃതി സംരക്ഷണത്തിന്‍റെ സന്ദേശവും കൈമാറി .ഗതാഗത നിയമം അനുസരിക്കുന്നതോടൊപ്പം തന്നെ പ്രകൃതിയും സംരക്ഷിക്കണം എന്ന സന്ദേശം നൽകിയാണ് പരിപാടി സംഘടിപ്പിച്ചത്.
റോഡ് സുരക്ഷാവാരത്തിൽ സന്ദേശവും സമ്മാനവുമായി മോട്ടോർ വാഹനവകുപ്പ്