മമ്പാട് യുവതിയെ മരിച്ച നിലയില്‍ കണ്ടെത്തിയ സംഭവം; ഭര്‍ത്താവിനെ പൊലീസ് അറസ്റ്റ് ചെയ്‌തു

മലപ്പുറം മമ്പാട് പൊങ്ങല്ലൂരില്‍ യുവതിയെ മരിച്ച നിലയില്‍ കണ്ടെത്തിയ സംഭവത്തില്‍ ഭര്‍ത്താവിനെ പൊലീസ് അറസ്റ്റ് ചെയ്‌തു. സംഭവത്തില്‍ കൂടുതല്‍ അറസ്റ്റിന് സാധ്യതയുള്ളതായാണ് വിവരം

മലപ്പുറം:മമ്പാട് യുവതി മരിച്ച സംഭവത്തിൽ ഭർത്താവ് അറസ്റ്റിൽ. മമ്പാട് പൊങ്ങല്ലൂരിലെ പൊയിലിൽ ഷമീമിനെയാണ് നിലമ്പൂർ പൊലീസ് ഇൻസ്പെക്‌ടർ പി വിഷ്‌ണു അറസ്റ്റ് ചെയ്‌തത്.

ബുധനാഴ്‌ച പുലർച്ചെയാണ് ഷമീമിന്‍റെ ഭാര്യ 25കാരിയായ സുൽഫത്തിനെ പൊങ്ങല്ലൂരിലെ ഷമീമിന്‍റെ വീട്ടിൽ മരിച്ച നിലയില്‍ കണ്ടെത്തിയത്. ഷമീം സുല്‍ഫത്തിനെ ക്രൂരമായി മര്‍ദിക്കുകയും പീഡിപ്പിക്കുകയും ചെയ്‌തിരുന്നതായി പൊലീസ് പറഞ്ഞു. സുല്‍ഫത്ത് എഴുതിയ കുറിപ്പും പൊലീസ് കണ്ടെത്തിയിട്ടുണ്ട്.

സംഭവത്തില്‍ കൂടുതല്‍ അറസ്റ്റ് ഉണ്ടാകാന്‍ സാധ്യതയുള്ളതായാണ് വിവരം. പൊലീസ് അന്വേഷണം ഊരര്‍ജിതമാക്കിയിട്ടുണ്ട്. ഫോറൻസിക്, വിരലടയാള വിദഗ്‌ദർ എന്നിവർ സ്ഥലത്തെത്തി പരിശോധന നടത്തി

ഒമ്പത് വർഷം മുമ്പാണ് ചുങ്കത്തറ പൂക്കോട്ടുമണ്ണ സ്വദേശിനിയായ സുൽഫത്തിനെ ഷമീം വിവാഹം കഴിച്ചത്. ഇവർക്ക് രണ്ട് കുട്ടികളുമുണ്ട്.