മലപ്പുറത്ത് എൽഡിഎഫ്-യുഡിഎഫ് പ്രവര്‍ത്തകര്‍ തമ്മില്‍ സംഘർഷം; ഒരാൾക്ക് പരിക്ക്

ഇരു പാർട്ടികളുടേയും തെരെഞ്ഞെടുപ്പ് പ്രചാരണ വാഹനങ്ങൾക്ക് നേരെ ആക്രമണം ഉണ്ടായി. ഫിറോസ് കുന്നുംപറമ്പിലിൻ്റെ പ്രചാരണ വാഹനത്തിൻ്റെ ഫ്ലക്‌സ് ബോർഡുകൾ നശിപ്പിച്ച നിലയിലാണ്.

മലപ്പുറം: മലപ്പുറം തിരൂർ കൂട്ടായിയിൽ എൽഡിഎഫ്-യുഡിഎഫ് പ്രവര്‍ത്തകര്‍ തമ്മില്‍ സംഘർഷം. ഇരു പാർട്ടികളുടെയും തെരെഞ്ഞെടുപ്പ് പ്രചാരണ വാഹനങ്ങൾക്ക് നേരെ ആക്രമണം ഉണ്ടായി. സംഘർഷത്തില്‍ ഒരാൾക്ക് പരിക്കേറ്റു. തവനൂരിലെ യുഡിഎഫ് സ്ഥാനാർഥി ഫിറോസ് കുന്നുംപറമ്പിലിൻ്റെ പ്രചാരണ വാഹനത്തിൻ്റെ ഫ്ലക്‌സ് ബോർഡുകൾ നശിപ്പിച്ച നിലയിലാണ്.

എൽഡിഎഫ് സ്ഥാനാർഥിയും മന്ത്രിയുമായ കെടി ജലീലിൻ്റെ പ്രചാരണ റാലിയിൽ പങ്കെടുത്ത കാർ യുഡിഎഫ് പ്രവര്‍ത്തകര്‍ അക്രമിക്കുകയായിരുന്നുവെന്നാണ് സിപിഎം ആരോപിക്കുന്നത്. കെടി ജലീലാണ് തവനൂരിലെ എല്‍ഡിഎഫ് സ്ഥാനാര്‍ഥി. സ്ഥലത്ത് പൊലീസ് സേനയെ വിന്യസിച്ചു.