മലപ്പുറം: ചൂരക്കണ്ടി കള്ളുഷാപ്പ് സമരം 38-ാം ദിവസത്തിലേക്ക് കടന്നു. കെട്ടിട ഉടമയുടെ വീട്ടിലേക്ക് ജനകീയ സമിതിയുടെ നേതൃത്വത്തില്‍ മാർച്ച് നടത്തി. സമരപന്തലിൽ നിന്നും ആരംഭിച്ച പ്രകടനം കെട്ടിട ഉടമയുടെ വീട്ടിൽ സമാപിച്ചു.
കള്ളുഷാപ്പിന് നൽകിയ ലൈസൻസ് റദ്ദാക്കുക, ഷാപ്പ് നടത്താൻ കെട്ടിടം വിട്ടു നൽകിയ നടപടിയിൽ നിന്നും കെട്ടിട ഉടമ പിൻമാറുക തുടങ്ങിയ ആവശ്യങ്ങൾ ഉന്നയിച്ചായിരുന്നു മാർച്ച്. സ്‌ത്രീകൾ ഉൾപ്പെടെ 200 ഓളം പേർ പ്രകടനത്തിൽ അണിനിരന്നു. തുടർന്ന് നടന്ന ധർണാ സമരം ഗ്രാമ പഞ്ചായത്തംഗം സൂസൻ മത്തായി ഉദ്ഘാടനം ചെയ്തു.
ചൂരക്കണ്ടി കള്ളുഷാപ്പിനെതിരെ ജനകീയ സമിതി നേതൃത്വത്തില്‍ കെട്ടിട ഉടമയുടെ വീട്ടിലേക്ക് മാർച്ച് നടത്തി