മലപ്പുറം : ടോക്യോ ഒളിമ്പിക്‌സില്‍ വെങ്കല മെഡല്‍ നേടിയ ഹോക്കി ടീമിന്‍റെ ക്യാപ്‌റ്റന്‍ പിആര്‍ ശ്രീജേഷിന് പാരിതോഷികം പ്രഖ്യാപിച്ച് മലപ്പുറം ജില്ല പഞ്ചായത്ത്. ഒരു ലക്ഷം രൂപയാണ് ഉപഹാരമായി നല്‍കുക.
ജില്ലയില്‍ നിന്നുള്ള ഒളിമ്പിക് താരങ്ങളായ കെടി ഇര്‍ഫാന്‍, എംപി ജാബിര്‍ എന്നിവര്‍ക്ക് 50,000 രൂപ വീതവും പാരിതോഷികമായി നല്‍കുമെന്ന്‌ ഭരണസമിതി യോഗത്തില്‍ ജില്ല പഞ്ചായത്ത് പ്രസിഡന്‍റ് എംകെ റഫീഖ പറഞ്ഞു.
ലോകത്തെ തന്നെ ഏറ്റവും വലിയ കായിക മാമാങ്കമായ ഒളിമ്പിക്‌സില്‍ രാജ്യത്തിന് അഭിമാനമായി മാറിയ നീരജ്‌ ചോപ്രയെ യോഗം അഭിനന്ദിച്ചു.