മലപ്പുറത്ത് പ്രചാരണ യോഗങ്ങൾ 28 മൈതാനങ്ങളിൽ; ഗൃ​ഹ സ​ന്ദ​ര്‍ശ​ന​ത്തിന് അഞ്ച് പേർ മാത്രം

നാ​മ​നി​ര്‍ദേ​ശ പ​ത്രി​ക സ​മ​ര്‍പ്പി​ക്കാ​ന്‍ സ്ഥാ​നാ​ര്‍​ഥി​യു​ടെ കൂ​ടെ ര​ണ്ട് പേ​രെ മാ​ത്ര​മേ അ​നു​വ​ദിക്കു​ക​യു​ള​ളൂ.

മ​ല​പ്പു​റം: നി​യ​മ​സ​ഭ, ലോ​ക്‌​സ​ഭ തെ​ര​ഞ്ഞെ​ടു​പ്പുകളുടെ ഭാഗമായി ജി​ല്ലാ തെ​ര​ഞ്ഞെ​ടു​പ്പ് ഓ​ഫീ​സറായ ക​ല​ക്ട​ര്‍ കെ. ​ഗോ​പാ​ല​കൃ​ഷ്ണന്‍റെ അ​ധ്യ​ക്ഷ​തയി​ല്‍ വി​വി​ധ രാ​ഷ്​​ട്രീ​യ പാ​ര്‍ട്ടി പ്ര​തി​നി​ധി​ക​ളു​ടെ യോ​ഗം ചേ​ര്‍ന്നു. മാ​തൃ​ക പെ​രു​മാ​റ്റ​ച​ട്ടം നി​ല​വി​ല്‍ വ​ന്ന സാ​ഹ​ച​ര്യ​ത്തി​ല്‍ പാ​ലി​ക്കേ​ണ്ട മാ​ര്‍ഗ​നി​ര്‍ദേ​ശ​ങ്ങ​ള്‍ ക​ല​ക്ട​ര്‍ പ്ര​തി​നി​ധി​ക​ള്‍ക്ക് വി​ശ​ദീ​ക​രി​ച്ചു. കൊ​വി​ഡ് മാ​ന​ദ​ണ്ഡ​ങ്ങ​ള്‍, ജി​ല്ല​യി​ലെ വി​വി​ധ പോ​ളി​ങ് ബൂ​ത്തു​ക​ള്‍, വോ​ട്ടി​ങ് മെ​ഷീ​നു​ക​ള്‍, പോ​ളി​ങ് ഉ​ദ്യോ​ഗ​സ്ഥ​രു​ടെ ല​ഭ്യ​ത, അം​ഗ​പ​രി​മി​ത​രാ​യ​വ​ര്‍ക്കും 80ന് ​മു​ക​ളി​ല്‍ പ്രാ​യ​മു​ള്ള​വ​ര്‍ക്കും പോ​സ്​​റ്റ​ല്‍ ബാ​ല​റ്റ് അ​നു​വ​ദി​ക്കു​ന്ന​ത് സം​ബ​ന്ധി​ച്ച ന​ട​പ​ടി​ക്ര​മം, ഹ​രി​ത പെ​രു​മാ​റ്റ​ച്ച​ട്ടം, ഇല​ക്ഷ​നു​മാ​യി ബ​ന്ധ​പ്പെ​ട്ട് ജി​ല്ല​യി​ല്‍ രൂ​പ​വ​ത്​​കൃ​ത​മാ​യ വി​വി​ധ സ്‌ക്വാ​ഡു​ക​ള്‍ തു​ട​ങ്ങി​യ വി​ഷ​യ​ങ്ങ​ളും ക​ല​ക്ട​ര്‍ യോ​ഗ​ത്തി​ല്‍ വി​ശ​ദീ​ക​രി​ച്ചു.

തെ​ര​ഞ്ഞെ​ടു​ക്ക​പ്പെ​ട്ട 28 മൈ​താ​ന​ങ്ങ​ളി​ല്‍ മാ​ത്ര​മേ പ്രചാരണ യോ​ഗ​ങ്ങ​ള്‍ സം​ഘ​ടി​പ്പി​ക്കാ​വൂ​വെ​ന്നും പൊ​ലീ​സ് അ​റി​യി​ച്ചു. നാ​മ​നി​ര്‍ദേ​ശ പ​ത്രി​ക സ​മ​ര്‍പ്പി​ക്കാ​ന്‍ സ്ഥാ​നാ​ര്‍​ഥി​യു​ടെ കൂ​ടെ ര​ണ്ട് പേ​രെ മാ​ത്ര​മേ അ​നു​വ​ദിക്കു​ക​യു​ള​ളൂ. ഗൃ​ഹ സ​ന്ദ​ര്‍ശ​ന​ത്തി​ന് അ​ഞ്ച് പേ​രി​ല്‍ കൂ​ടു​ത​ല്‍ പോ​കാ​ന്‍ പാ​ടി​ല്ല. റോ​ഡ് ഷോ​ക്ക്​ അ​ഞ്ച് വാ​ഹ​ന​ങ്ങ​ള്‍ മാ​ത്ര​മേ അ​നു​വ​ദി​ക്കു​ക​യുള്ളൂ. എഡി.എം ഡോ. ​എം.​സി. റെ​ജി​ല്‍, ജി​ല്ല പൊ​ലീ​സ് മേ​ധാ​വി എ​സ്. സു​ജി​ത്ത് ദാ​സ്, പെ​രി​ന്ത​ല്‍മ​ണ്ണ സ​ബ് ക​ല​ക്ട​ര്‍ കെ.​എ​സ്. അ​ഞ്ജു, അ​സി. ക​ല​ക്ട​ര്‍ പി. ​വി​ഷ്ണു​രാ​ജ്, ഇ​ല​ക്ഷ​ന്‍ ഡെ​പ്യൂ​ട്ടി ക​ല​ക്ട​ര്‍ ഇ. ​മു​ഹ​മ്മ​ദ് യൂ​സ​ഫ് തുടങ്ങിയവർ യോഗത്തിൽ പങ്കെടുത്തു.